Un ano máis puidemos disfrutar do evento Verín de Moda. O sábado 23 de setembro foron máis de mil as persoas que se achegaron ao pavillón dos deportes de Verín para disfrutar da que sería unha velada moi especial. O evento, presentado pola actriz María Mera, estivo marcado pola música, da man de Dani Royo e Mireia Montávez.
Como novidade, este ano viñeron como invitados especiais os cans de Pro Animales Verín, para sensibilizar á poboación cara a acollida e a adopción. Logo, os cativos e cativas presentaron as coleccións infantís e xuvenís de outono no momento máis tenro e divertido do desfile.
Máis de dúas horas para mostrar as coleccións de outono de 20 establecementos en moda infantil, xuvenil, de muller de home e de ceremonia. Tamén sobre o escenario e colaborando puidemos ver outras empresas de servizos, e de decoración que fixeron posible que o evento fora posible, gracias ao esforzo e o traballo en equipo.
A continuación podedes ver unha selección de imaxes do desfile. Como cada ano convídase ás persoas asistentes a que compartan as súas fotografías, enviándoas ao Facebook de Aever Verín para crear un bonito álbum de recordo.
