Desfile Verín de moda 2016

Un ano máis CCU AEVER Verín organiza o evento Verín de Moda 2016 en colaboración co Concello de Verin, a Deputación de Ourense e a Xunta de Galicia.

A pasarela Verín de Moda é un evento no que poñer en valor o comercio local. O pavillón dos deportes transfórmase o día 24 de setembro ás 19:30 nunha auténtica pasarela de moda na que os protagonistas serán os produtos dos establecementos participantes: roupa infantil e xuvenil, roupa de muller e de homes, complementos de decoración e floraría.

Os nenos e nenas de Verín serán os modelos máis especiais da gala, e participarán nun casting infantil o día 10 de setembro no que aprenderán a desfilar como auténticos profesionais da moda.

Serán 23 os establecementos membros da Asociación de Empresarios e Empresarias de Verín os que nos mostrarán todo o potencial do noso comercio como un dos principais motores da economía local.

A Axencia Luena é a encargada de que o evento sexa un éxito como en edicións anteriores. Para seguir toda a información relacionada co evento e cos establecementos participantes tamén se impulsa unha campaña en redes sociais da man de Sendadixital e coa etiqueta #Veríndemoda.

A gala Verín de Moda será unha velada agradable e divertida amenizada pola presentadora Diana Nogueira @DianaNogueiraTV e o cantante participante no programa La Voz Hugo Torreiro @hugotorreiro.

Esperámosvos!