Un ano máis presentámosvos as actividades e iniciativas que se levarán a cabo durante este nadal para incentivar e dinamizar o comercio local en Verín.
Este nadal fai as túas compras en Verín. Compra e gaña 1000€
Por cada compra superior a 10€ en calquera dos establecementos asociados a CCU AVER Verín, recibirás un boleto para participar no sorteo de 1000€.
Tes do 5 de decembro ao 2 de xaneiro para comprar e xuntar boletos.
O sorteo realizaráse o día 3 de xaneiro no pavillón dos deportes de Verín, durante a Gala do Show dos paiasos, ás 20:00.
Ó día seguinte, 4 de xaneiro, o gañador poderá disfrutar o premio mercando en, polo menos, 5 establecementos asociados. O máximo importe gastado en cada un deles será de 200€.
Pista de xeo natural
Xa son tres os anos que podemos desfrutar en Verín da pista de patinaxe sobre xeo. Pero como novidade, este ano trátase de unha pista sobre xeo natural, sendo obrigado o uso de guantes.
Estará aberta do 22 de decembro ao 30 dedecembro, de 11:00 a 14:00, e de 16:00 a 22:00, na Praza García Barbón.
O prezo da entrada é de 5€. Pero comprando nos establecementos asociadoas a CCU AEVER e AEHCOM conseguirás un ticket desconto de 2€.
Apertura das tendas os domingos 24 e 31
Para facilitar as compras destes días tan especiais, a maioría dos asociados a CCU AEVER abrirán as súas portas os días 24 e 31 de decembro.
Xa non hai escusa para os máis despistad@s!
Concurso de escaparates de nadal 2017
A partir do 18 de decembro os escaparates participantes encherán as rúas de Verín de luz e orixinalidade.
O tema a desenvolver será sobre o nadal, deixando total liberdade no tocante a técnica e estilo, valorando estes tres criterios: creatividade e orixinalidade; combinación de elementos e cores; iluminación e composición.
A inscrición realizarase a través da Cámara de comercio ou directamente no Concello de Verín.
Os premios entregaránse durante a Gala de Nadal do día 3 de xaneiro no pavillón dos deportes. 1º: 150€ + diploma, 2º: 100€ + diploma, 3º: 50€ + diploma.
Concerto expansivo por un monte vivo
Esta iniciativa parte dun grupo de músicas mobilizadas coa traxedia vivida polas galegas e galegos nos lumes de outubro e vai en solidariedade con todas as persoas afectadas.
O día 29 de decembro no Pavillón Municipal de Verín teremos a sorte de disfrutar dos concertos de Neiz, Chips Rahoy, Millo, A.C. Música Tradicional de Monterrei - Banda de Gaitas Nova Era, Xestreu, Guezos, OUTLINES e Discomóbil A Gramola.
Ademais pola tarde, a partir das 17.00 horas, teremos actividades para os máis cativos nas que fomentaremos e implicaremos a problemática forestal.
E durante a xornada da noite poderemos disfrutar do pincho solidario no que participan numerosos locais da zona!
Os Concertos Expansivos por un Monte Vivo terán unha entrada solidaria de 5€ destinada integramente a iniciativas de recuperación ambiental dos ecosistemas danados e actividades pedagóxicas para difundir a importancia dun monte vivo.
Gala de nadal
O día 3 de xaneiro a partir das 18:30, no Pavillón dos deportes de Verín, celebrarase a Gala "Show dos paiasos", na que teremos músicas, os personaxes preferidos polos máis peques, concursos... Sorpresas e diversión para todos os públicos garantizadas.
Antes do remate da gala, ás 20:00 realizarase o sorteo de 1000€ e a entrega de premios aos escaparates gañadores.
