Esta iniciativa da Xunta de Galicia, en colaboración coa Federación Galega de Comercio e as Asociacións Provinciais, forma parte do paquete de medidas específicas para o sector que o Goberno galego está a poñer en marcha para acompañar ao comercio de proximidade na súa reactivación, impulsando a súa competitividade a través de iniciativas que permitan a súa modernización e incentiven o consumo.
ORDE do 13 de setembro de 2023 pola que se establecen as bases reguladoras para a concesión de axudas, en réxime de concorrencia non competitiva, do Programa de dinamización e incentivación do consumo nos comercios retallistas da Comunidade Autónoma de Galicia a través dos bonos Activa comercio, e se procede á súa convocatoria para o ano 2023 e á apertura do prazo para a adhesión dos comercios (código de procedemento CO301B) (DOG 29/10/2023).
https://www.xunta.gal/…/AnuncioG0692-140923-0006_gl.pdf
FUNCIONAMENTO BONOS ACTIVA COMERCIO
COMERCIOS: Adherirse ao programa: ata o 15 de decembro do 2023.
CLIENTES: desde o 9 de outubro ata o 31 de decembro do 2023 ou ata que se acaben os fondos.
REQUISITOS:
a) Estar dados de alta nalgún dos grupos ou epígrafes do IAE.
b) Anunciar no exterior do establecemento, en lugar visible, a adhesión ao programa mediante a colocación dos correspondentes materiais publicitarios.
c) Conservar durante un ano todos os tíckets de compra ou facturas xustificativas da aplicación dos bonos, por se hai comprobación por parte dá Dirección Xeral de Comercio.
d) Nos tickets de compra debe figurar claramente o importe da compra e o importe descontado.
e) En caso de devolución, o importe da compra poderá ser cambiado por outra compra de prezo igual ou superior ou por un vale sen caducidade polo importe correspondente.
O comerciante non poderá abonar ao consumidor, en ningún caso, diñeiro en efectivo ou na tarxeta de crédito.
ALTA COMERCIOS:
1) Entrar en https://www.bonosactivacomercio.gal
2) Hai un apartado para Alta comercio e outro para alta usuarios
3) Entrar en Alta Comercios e cubrir o formulario de inscrición coa seguinte información:
• Nome e apelidos ou razón social.
• Establecemento comercial en Galicia.
• NIF ou CIF.
• Nome, apelidos e DNI ou NIE da persoa representante.
• Nome comercial.
• Dirección do establecemento comercial.
• Número de teléfono móbil.
• Correo electrónico.
• IAE (incluído no anexo I).
• IBAN da conta bancaria.
• Páxina web do establecemento comercial.
4) Unha vez introducidos os datos e dar a rexistrar chegarache un mail á túa dirección de correo electrónico.
5) Hai que revisar que todos os datos estean ok e asinar a declaración responsable manifestando o cumprimento das condicións establecidas e a veracidade dos datos indicados (asínase dixitalmente no propio proceso)
6) Unha vez temos o rexistro listo, descargamos a App no móbil e accedemos co noso usuario e clave de acceso
7) No momento da venda o comerciante ten que introducir na App o importe da compra, e escanear co móbil en código QR que ten o cliente descargado no seu teléfono, e xa aparece o desconto que corresponde aplicar de forma automática.
OLLO: O bono posúe un formato dixital en forma de código QR que o cliente levará descargado no seu móbil… ese código QR é o que tedes que escanear para poder aplicarlle o desconto.
8) Na App que o comerciante ten descargada no seu móbil, pode ver todos os seus datos e os importes das compras realizadas, os importes dos descontos e o que vos leva abonado a Xunta ou o que está pendente de pago.
9) O prazo para adherirse ao programa será do 15 de decembro de 2023.
