Un ano máis queremos celebrar que temos un comercio local vivo e dinámico, por iso facemos a festa “Eu Merco en Verín” que encherá as rúas e prazas da nosa vila de diversión e xogos para que as crianzas disfruten dunha xornada festiva.
COMO PARTICIPAR NA FESTA “EU MERCO EN VERÍN”?
Dende o 17 de xuño débense gardar os tickets de compra dos establecementos adheridos a AEVER.
O mesmo día da festa instalaremos unha carpa da asociación na praza do Concello para canxear os tickets de compras no comercio local por pulseiras que permitirán acceder aos diferentes xogos e actividades.
QUE ACTIVIDADES HABERÁ NA FESTA “EU MERCO EN VERÍN” E ONDE ESTARÁN?
Os xogos e actividades estarán repartidos en 14 “estacións” nas ubicacións que podes ver no mapa: Praza Maior, Praza da Merced, Praza do Concello, Cruce principal (Rúa Lisa con Luis
Espada), Carretera de Castela, Rúa Deputación, Rúa Montemaior, Pavillón dos Deportes, Rúa Maior, Avenida de Sousas.
Haberá inchables, xogos interactivos e xogos desenchufables.
CALES SON OS HORARIOS E OS PREZOS DAS ACTIVIDADES?
O día 28 de xuño , en horario de mañá de 11:00h a 13:30 h, e de tarde de 17:30h a 20:30h.
HORARIO DE MAÑÁ- de 11:00 a 13:30
3 Tickets + 5€ = pulseira azul para acceder a todas as actividades en horario de mañá.
HORARIO DE TARDE- de 17:30 a 20:30
3 Tickets + 5€ = pulseira verde para acceder a todas as actividades en horario de tarde.
HORARIO TODO O DÍA
3 Tickets + 7€ = pulseira vermella para acceder a todas as actividades todo o día.
A carpa da asociación estará aberta na praza do Concello de Verín 1 hora antes do inicio das actividades.
Na paxina web da asociación disporán dunha aplicación para facer a reserva e compra das entradas.
