COMPRAS NO COMERCIO LOCAL, MÚSICA E MOITO MÁIS
Este sábado 20 de decembro, o comercio local de Verín, promove unha dinamización musical nas rúas comerciais de Verín.
A Banda de Gaitas Nova Era percorrerá as rúas e prazas da vila entre as 11:00 e as 13:00 para animar ás compras e sobre todo para agradecer á nosa clientela o seu compromiso co comercio local de Verín durante a campaña de Nadal.
Esta banda que recentemente celebrou o seu décimo aniversario, está composta por mozos e mozas da comarca de Verín, e ofrece un repertorio de música tradicional fusionada cun enfoque actual e contemporáneo.
Nova Era percorrerá as rúas comerciais iniciando o seu percorrido ás 11 horas na Praza García Barbón e culminando ás 13 horas na Rúa Maior.
RECTA FINAL DA CAMPAÑA «OS 6000 DE VERÍN»
Ademais de disfrutar das compras e da animación musical, este sábado día 20 supón a recta final da campaña «Os 6000 de Verín» na que se pode participar ata o día 23, cando os comercios recollerán as últimas papeletas que participarán no sorteo do día 24 dos 19 premios que suman seismil euros.
CONCURSO DE ESCAPARATES
Os escaparates das tendas lucen as súas mellores galas, inundando a vila de luces e de ambiente de nadal. Todas as compras realizadas en establecementos asociados a AEVER CCU dan dereito a convertirse en xurado do concurso de escaparates de nadal.
