Dende o inicio do estado de alarma, en colaboración cun grupo de nove particulares, institucións educativas e profesionais, Aever involucrouse activamente nesta iniciativa, colaborando económicamente e na loxística. Fabricáronse 1700 pantallas de protección.
A iniciativa dalgúns particulares e profesionais que dispoñen de impresora 3D, xunto ás institucións educativas de Verín, puxo en marcha a mediados de marzo, unha pequena e solidaria industria prácticamente improvisada, que está surtindo de pantallas de protección a moitas e moitos profesionais da comarca de Verín e doutros lugares da provincia de Ourense.
A asociación de empresarios e empresarias de Verín foi un dos apoios deste grupo que fabricou as máscaras de protección, xa que dende o principio, entre varios dos seus socios e socias e o persoal técnico da asociación, involucrouse na loxística e distribución das máscaras. Tamén colaborou Aever a través da financiación do "fío", a materia prima para fabricar a peza que suxeita a protección da cara. Trátase dunha aportación económica, e de recursos adicados ao reparto que o xerente de AEVER define como "o mínimo que debemos facer como axentes sociais".
A través das redes sociais, o teléfono, e o boca a boca, esta iniciativa foi chegando a profesionais de diversos ámbitos como o sanitario e sociosanitario, o transporte, o comercio de alimentación, a axuda a domicilio, corpos de seguridade, farmacias, clínicas dentais e os establecementos comerciais que continuaron abertos durante o estado de alarma. "Son moitas as persoas que se sorprenden e agradecen ca entrega de máscaras, e que queren colaborar económicamente, pero cando lles dicimos que o coste o asume o grupo de persoas que fabrican e a Asociación, din que cando pase esto agradecerano mercando no comercio de Verín outra vez"-di Jose Angel Rodicio, o xerente da Asociación, e unha das persoas que está ao frente do reparto.
Destacable o xesto de solidariedade entre a asociación de empresarios de Verín e a de Carballiño, á que tamén foron entregadas máscaras para os comerciantes e o persoal das empresas que integran esta asociación, coa que Aever mantén unha estreita relación.
O obxectivo é contribuir a que o COVID19 deixe a menor pegada posible na nosa comarca, e volver canto antes á normalidade, sabendo que a solidariedade e a innovación son valores que axudarán a saír desta situación.
Actualmente rematou a producción logo de ter esgotado a materia prima para a fabricación 3D das 1700 máscaras que foron fabricadas.
Aever mantén a súa actividade estes días, informando e asesorando aos seus asociados e mesmo a outros profesionais que dirixen a esta asociación as súas consultas, e mira cara ao futuro, con certa incertidume, pero traballando xa no desenvolvemento dunha plataforma de venta online comarcal, para que a veciñanza poidan mercar de maneira cómoda no comercio local e poidan recibir os pedidos na casa.
Aínda que con prudencia, espérase que o comercio local poida saber saír desta situación. As máscaras serán una das ferramentas para que os comerciantes e o seu persoal contratado podan iniciar a nova normalidade, e de seguro que o compromiso da veciñánza da comarca co comercio local será a outra clave para sair adiante
