En plena campaña pola conmemoración do día contra as violencias machistas (25 de novembro), Aever, de novo colabora coa campaña impulsada polo Centro de Información á Muller.
Tratándose dunha lacra social tan importante como é a violencia machista, sabemos que unha maneira positiva de afrontala é como colectivo, por iso dende AEVER apoiamos as actividades de sensibilización e prevención da violencia.
Fai uns meses puxémoslle o nome de AULAS VIVAS á sala polivalente da asociación, que ten como obxectivo dinamizar a actividade socioeconómica da vila, cedendo o seu uso a diferentes entidades. O vindeiro venres 23, ás 18 horas a sala polivalente de Aever albergará o «Café» #EuTamén. Trátase dun taller inspirado no popular movemento #MeToo, no que falar en clave de sororidade sobre o acoso sexual ó que están expostas moitas mulleres en diferentes ámbitos da vida. O taller irá acompañando de café e té co obxectivo de mostrar un ambiente de confianza e calidez, xa que -según explican as profesionais do CIM- esta confianza é necesaria para que as mulleres poidan falar sobre o acoso.
Aever colabora tamén coa difusión dun calendario 2019 que apoia o «Programa contra a Violencia de Xénero». Este calendario será repartido nos establecementos asociados para que teñan a man o contacto do Centro de Información á Muller.
Logo do Café #EuTamén, ás 20:00 terá lugar a concentración e lectura de manifesto contra as violencias machistas, e o domingo, presentarase no auditorio un spot realizado por mulleres da comarca e unha obra de teatro que aborda este mesmo tema. A programación completa está en http://cim.mancoverin.es/campana25n2018
