Dende Aever apoia o desenvolvemento do FIC Vía XIV propoñendo, como en anos anteriores, a posta en marcha dun concurso no que animamos ós establecementos da vila a decorar os seus escaparates con motivos relacionados coa sétima arte.
Os tres mellores escaparates serán premiados con 150, 75 e 50 euros respectivamente e os establecementos distinguidos polo xurado daranse a coñecer no decurso da semana do certame. Os premios non poderán ser acumulables a un mesmo comercio.
Encerrona
Xunto a isto, Aever vai sortear entre todos aqueles que realicen compras nos establecementos asociados entradas para o espectáculo que o actor Pepe Viyuela ofrecerá no Auditorio na xornada do 9 de setembro, as 20:00 horas: Encerrona.
Para optar a gañar un dos tickets gratuítos só hai que realizar unha compra en calquera dos establecementos da asociación e cubrir unha ficha cos datos de contacto daquel que participa.
O sorteo celebrarase como mínimo unha semana antes da visita de Viyuela a Verín e os tickets poderán ser recollidos nos puntos que a organización do FIC e Aever determinen. Este sorteo terá lugar na sede da Asociación de Empresarios de Verín.
Poderán participar en ambas as iniciativas todos os establecementos comerciais asociados a Aever e que o soliciten. A Asociación Cultural Vía XIV designará aos integrantes do xurado no caso do concurso de escaparates e o seu fallo será inapelable. Os locais comerciais interesados en inscribirse poden facelo a través do mail info@ccaverin.com ou enviando un whatsapp ao telefono 630 354 869.
BASES DE PARTICIPACIÓN NO CONCURSO «ESCAPARATES DE CINEMA»
CONCURSO DE ESCAPARATES DE CINEMA VERÍN 2023
1.-PARTICIPACIÓN
Poderán participar neste concurso todos os establecementos comerciais adheirods a Aever.
2.- VALORACIÓN
O leit motiv que centra a acción é o ámbito cinematográfico, que deberá ser o protagonista dos escaparates comerciais que opten aos premios. Deixarase total liberdade en canto a técnica e a estilo, valorando estes tres criterios:
–creatividade e orixinalidade
–combinación de elementos e cores
–iluminación e composición
A valoración máxima por cada un destes criterios será de tres puntos e o mellor escaparate será aquel que posúa a máxima puntuación.
3.- INSCRICIÓNS
Os locais comerciais interesados en tomar parte na iniciativa poden facelo a través do email info@ccaverin.com ou enviando un WhatsApp ao teléfono 630 354 869. O prazo límite para formalizar a inscrición finalizará ás 14,30 horas do luns 28 de agosto. O simple feito de inscribirse no concurso leva implícita a aceptación destas bases.
4.- OBRIGAS
Os participantes deberán dispoñer os escaparates con motivos relacionados coa sétima arte dende o venres 1 ata o domingo 17 de setembro. Ademáis, deberá estar visible o distintivo de participación no concurso facilitado no momento da inscrición.
5.- XURADO E PREMIOS
A Asociación Cultural Vía XIV designará aos membros do xurado, composto por un membro do Concello e por dous profesionais relacionados co eido do deseño artístico e/ou do escaparatismo.
O seu fallo será inapelable. O xurado visitará os escaparates seleccionados e outorgará premios aos tres mellores (150 euros para o primeiro, 75 euros para o segundo e 50 euros para o terceiro).
A relación de premiados farase pública durante o transcurso do Festival Internacional de Curtas de Verín, que se celebrará na vila entre o 8 e o 19 de setembro. Os premios non poderán ser acumulables a un mesmo comercio.
