A Xunta de Galicia pon en marcha unha nova edición dos Bonos Activa Comercio, tal como se publicou no DOG do 23 de outubro. Trátase dunha partida de 2,5 millóns de euros para esta medida que busca fomentar as compras no comercio de proximidade, un sector clave para a economía e o emprego en Galicia, e fundamental para Verín.
Dende o luns 4 de novembro ata o 31 de decembro (ou esgotamento previo do crédito) poderemos disfrutar dos bonos activa comercio, un impulso importante ó consumo no comercio local.
O sistema funciona a través dunha aplicación móbil e o importe de cada bono irase consumindo en función do valor da compra.
É moi sinxelo, hai que entrar na páxina www.bonosactivacomercio.gal , darse de alta dende a web ou o móbil, activar o bono e descargalo e despois utilizalo nos comercios que teñen o distintivo dos bonos activa comercio, mostrando o código QR no momento da compra.
Esta campaña supón un impulso importante ás vendas no comercio local, como temos comprobado en edicións anteriores, xa que os descontos son ata de 30€.
Dende o 23 de outubro os comerciantes empezaron a adherirse á campaña para ter todo preparado para o inicio da fase na que os clientes poden beneficiarse dos bonos.
Dende Aever acompañamos ós comerciantes na adhesión á campaña así como na difusión, para continuar contribuíndo á dinamización do comercio local de Verín.
