No municipio de Verín, o comercio local únese para celebrar unha das datas máis especiais do ano cunha nova campaña de dinamización promovida pola Asociación de Empresarios de Verín.
Coincidindo coa celebración do Día da Nai, os establecementos asociados participantes porán en marcha unha iniciativa pensada para premiar ás persoas que apostan polas compras de proximidade e apoiar, unha vez máis, ao tecido comercial da vila.
Mercar en Verín ten premio
Durante o período da campaña, todas as persoas que realicen compras nos comercios adheridos poderán participar no sorteo de tres cheques de 50€, pensados para agradecer a confianza da clientela e facer desta celebración unha experiencia aínda máis especial.
Compra con comodidade mentres os pequenos se divirten
Para facilitar as compras durante a campaña, as familias poderán levar aos seus fillos e fillas ao parque de bolas Pequenos. Presentando o ticket de compra de calquera dos establecementos asociados participantes, terán dereito a 1 hora gratuíta,en horario de martes a xoves por a tarde (horarios do establecementos 15:30-21:00H), para que poidan realizar as súas compras con total comodidade mentres os máis pequenos desfrutan xogando.
Apoiando o comercio local
Con esta campaña, a Asociación de Empresarios de Verín busca fomentar o consumo no comercio de proximidade, dinamizar a actividade económica local e ofrecer propostas atractivas que beneficien tanto aos negocios como á veciñanza.
Síguenos e participa
A campaña contará con difusión a través das redes sociais da asociación, cartelería nos establecementos participantes e presenza en distintos medios informativos.
Este Día da Nai, celebra, merca e gaña en Verín. Porque cando mercas no comercio local, gañamos todos.
