O vindeiro luns 1 de maio participamos na segunda Feira Solidaria organizada polo Concello de Verín onde entidades sen ánimo de lucro da comarca teñen unha cita coa poboación na que darán a coñecer as súas actividades nun entorno festivo e lúdico.
CCU AEVER participa cun stand informativo da asociación no que se poderá obter un roteiro comercial dos establecementos asociados, e toda a información sobre servizos e vantaxes de asociarse.
En colaboración con Saudeter haberá dous inchables solidarios, que terán un prezo de 1 euro. A recadación dos inchables ten como fin solidario axudar a unha nena da nosa comarca.
A Feira Solidaria coincide coa celebración da tradicional festa dos maios, podedes ver o programa completo na web do Concello de Verín.
Esperámosvos na Praza García Barbón, o luns 1 de maio, de 11:00 a 20:00, non podedes faltar.
Recordade compartir nas vosas redes sociais para encher Verín de solidariedade!!!
