O vindeiro 23 de setembro, ás 19:30 celebraremos unha nova edición da gala do comercio local, Verín de Moda, no Pavillón dos Deportes de Verín.
O obxectivo do evento é apoiar ao sector do comercio, mostrando aos nosos veciños e veciñas e aos visitantes a calidade do comercio de Verín. O éxito de anos anteriores fixo que este ano aumentaran a 25 o número de participantes.
O desfile
Sobre a pasarela veremos unha boa mostra da diversidade do comercio local: moda, decoración, floristería ou servizos sobre un escaparate máxico e emocionante.
- Roupa de neno/a: Patricia Nenos, Bolboreta, S&E Boutique, Pikaros e Lunares.
- Roupa de adultos: Modas San José Hombre, Wall Street, La Factoría, Antollo, MC, Maxi Díez, Marta Barcala, Noisiness, Modas Rosy, Maraxe, O lar da cortina e Nicandra.
- Lencería: Kaprichos e Lencería Glamour.
- Veterinaria: Clínica Veterinaria San Roque.
- Óptica: Opticalia
- Decoración escenario: Casa del Mueble e Academia Etcétera.
- Floristería: Floristería María.
- Empresas colaboradoras: HortoVerín e Sousas.
Os protagonistas
Ademais dos modelos profesionais da Axencia Luena, que organiza o evento, desfilarán os nenos e nenas da vila, que están convidados a participar a través do casting infantil que se celebrará o sábado 16.
Este ano haberá uns invitados moi especiais, os cans de Pro Animales Verín, que desfilarán no desfile canino realizado pola clínica veterinaria socia de CCU AEVER.
A gala será presentada pola actriz e presentadora da TVG e de TVE María Mera, e nas actuacións musicais poderemos coñecer a última canción do disco en solitario de Mireia Montávez (participante da primeira edición de Operación Triunfo) e o cantante e autor Dani Royo.
A sensibilización
Fai unhas semanas puxemos en marcha a campaña de sensibilización cara ao comercio local “Eu son comercio local”. Os amigos e amigas que queiran apoiar esta campaña facéndose unha foto, poderán facelo no photocall que se situará na entrada do Pavillón.
Outra iniciativa social coa que queremos colaborar é a sensibilización cara aos animais, por iso invitamos a Pro Animales Verín a participar no desfile e acompañarnos co seu stand onde poder coñecer os animais en adopción.
Na liña dos últimos anos, mostraremos toda a actividade relacionada co evento nas redes sociais co obxectivo de que coñezades a asociación, e o transcurso do evento. Invitámosvos a participar enviando as vosas imaxes ou utilizando o hastag #VerínDeModa2017.
A gala “Verín de Moda” é realizada co apoio da Xunta de Galicia, a Deputación de Ourense, o Concello de Verín e co esforzo de moitas persoas que aportan o seu tempo e a súa ilusión, por iso dende CCU AEVER queremos darvos as grazas e esperamos que disfrutedes moito deste evento.
