Hai algo máis máxico que pasear pola nosa vila coa luz e a fantasía dos escaparates de nadal? Seguramente se pensas en escaparates de nadal, pensas en cando eras cativa ou cativo e soñabas con aquel xoguete…
Os comercios de Verín tamén sacamos as nosas mellores galas durante o nadal para crear un ambiente de fantasía, de ledicia e que faga que a nosa vila brile con esa luz que só o comercio local pode aportar.
Este nadal queremos crear un ambiente navideño precioso que dinamice a vila e tamén premiar aos comercios que se esforzan en deseñar escaparates.
Para elo recuperamos a tradición do CONCURSO ESCAPARATES NADAL NO COMERCIO LOCAL DE VERÍN.
Quen elexirá os escaparates gañadores do concurso?
As persoas que mercades no comercio local seredes o xurado.
Por cada tique de compra dun establecemento asociado a AEVER CCU (independentemente de que participe no sorteo ou non) podes emitir un voto para elexir o escaparate ganado do concurso.
Que podo ganar por ser xurado do concurso?
Cada vez que votes polo teu escaparate favorito terás unha participación no sorteo de 3 pasaportes de 50 € para gastar no comercio local entre o 8 de xaneiro e o 17 de xaneiro.
Rexistra aquí a túa compra para ser xurado do concurso e ganar 50€: https://forms.gle/NgNbTkBsnwcWzZcj8
Cales son os premios para os establecementos cos escaparates gañadores?
Os comercios que gañen o concurso de escaparates navideños tamén recibirán como premio pasaportes de 100 € e de 50 € de compras para mercar no comercio local.
A continuación podes ver as bases completas.
Participación
Poderán participar neste concurso todos os establecementos asociados a Aever CCU Verín.
Valoración
O motivo que centra a acción é o nadal, que deberá ser o protagonista dos escaparates comerciais que opten aos premios. Non hai limitación de ningún tipo respecto a técnica e estilo, valorando os seguintes criterios:
Creatividade e orixinalidade
Combinación de elementos e cores
Iluminación e composición
A valoración será realizada polo público xeral.
Valoración do público xeral
A valoración realizarase de maneira global nun formulario inserido na páxina web da asociación no que as clientas e clientes poderán elexir un dos escaparates e darlle un voto a través do devandito formulario.
Para poder votar deberán adxuntar un tique de compra. Por cada tique de compra poderán realizar unha votación no mesmo acceso ao formulario.
Para votar é necesario presentar un tique de compra en calquera dos establecementos asociados a AEVER CCU, independentemente de que participen no sorteo ou non.
Obligacións
Os establecementos participantes deberán disponer dos escaparates con motivos navideños entre o 12 de decembro e o 6 de xaneiro.
Ademais deberá estar visible o distintivo de participación no concurso facilitado no momento da inscripción.
Xurado e premios
Os premios será:
– 3 pasaportes de compra para mercar en establecementos asociados a AEVER CCU Verín dos seguintes importes: 100€ para o primeiro,50€ para o segundo e terceiro elexidos pola votación do público.
-2 pasaportes de compra a sortear entre as persoas clientas que voten a través do formulario, sorteados a través dunha aplicación de sorteos.
Datas:
Inicio da campaña 12 de decembro / fin da campaña 6 de xaneiro
Sorteo do pasaporte para os clientes: 7 de xaneiro.
Entrega de pasaportes de compra sorteados entre os clientes e establecemento gañadores do concurso: 8 de xaneiro.
Os importes dos pasaportes de compras deben ser gastados entre o 8 de xaneiro e o 17 de xaneiro en establecementos asociados a AEVER CCU.
