O sábado 30 de agosto, o comercio local de Verín sae á rúa cunha xornada de compras a bo prezo, gastronomía e música, pensada para gozar dun ambiente agradable no centro da vila.
Data: sábado 30 de agosto de 2026
Horario: de 12:00 a 22:00 h (con descanso para xantar, no que poderás desfrutar dos nosos postos de comida)
Lugar: Parque da Alameda, Verín
O vindeiro sábado 30 de agosto, o Parque da Alameda acolle a Feira de Stock, unha xornada na que os comercios de Verín sacan o seu xénero á rúa a prezos especiais. Un día para pasear, mercar e desfrutar da rúa en familia e con boa compaña.
En que consiste
Durante toda a xornada atoparás os comercios da vila ofrecendo o seu stock a bo prezo, nun ambiente decorado para a ocasión. Ademais:
Zona de comida para repoñer forzas sen saír do parque.
Xincana infantil para que as familias gocen do día.
Sesión de DJ pola tarde para animar o ambiente.
Ao mediodía haberá un descanso para xantar, no que poderás desfrutar dos postos de comida que temos no parque.
Moito máis ca un mercado
A Feira de Stock quere ser un punto de encontro: un espazo para desfrutar da rúa nun ambiente animado, apoiando o comercio de proximidade e enchendo o Parque da Alameda de vida.
Faite un oco na axenda e ven pasar o día. Agardámoste o 30 de agosto no Parque da Alameda!
