Como cada ano a Asociación de empresarios/as de Verín celebramos o nadal convidando a todas as persoas da comarca e arredores a participara nas dúas exitosas actividades que propoñemos.
Pista de xeo na praza
A partir do 21 de decembro, pequenos, pequenas e maiores poderán disfrutar de novo da experiencia máis divertida e emocionante do inverno, patinar sobre xeo.
Instalaremos unha pista de patinaxe sobre xeo na Praza García Barbón. As entradas, que se poden adquirir na propia pista, teñen un prezo de 5 euros, Nos establecementos de Aever podedes conseguir tickets desconto de 2 euros (non son acumulables).
Dende o 21 de decembro, a pista estará aberta todos os días en horario de 11:00 a 14:00 e de 16:00 a 22:00.
Gala Estrelas Máxicas e sorteo dos 1.000 euros
O día 3 de xaneiro, ás 18:30, o Pavillón de Deportes de Verín acollerá o evento "ESTRELAS MÁXICAS", unha actuación para público familiar, na que música, humor e teatro encherán un ano máis Verín da maxia e ilusión da tempada de nadal e reis
Durante a gala, terá lugar o sorteo do vale de 1000 euros para premiar ás persoas que fan a súas compras nos comercios asociados a Aever.
Máis que nunca dende a Asociación de Empresarios/as de Verín, queremos agradecer a fidelidade á súa clientela, que durante 2019 ten apoiado as distintas campañas a favor do comercio local. Por iso, un ano máis, e con moitísima ilusión, celebraremos este sorteo, no que as compras realizadas durante a tempada de nadal, teñen premio.
Quén pode participar?
Calquera persoa que merque nos establecementos asociados a Aever entre o 5 de decembro e o 2 de xaneiro recibirá un ticket que entrará no sorteo.
Cando e ónde será o sorteo?
Durante a gala "Estrelas Máxicas", o día 3 de xaneiro, a partir das 18:30, no Pavillón de Deportes de Verín.
Qué ten que facer a persoa que participa?
Os clientes e clientas dos comercios deben levar os seus tickets presencialmente á gala "Estrelas Máxicas" o día do sorteo, xa que o premio é presencial.
Cómo se disfruta o premio?
O vale de 1000€ debe gastarse entre o 4 e o 7 de xaneiro de 2020, nos establecementos asociados a AEVER. Como mínimo debe utilizarse en 5 establecementos, e o importe máximo por establecemento será de 200€.
Para facilitar as compras moitas tendas abrirán os días 22 de decembro en 5 de xaneiro.
Esta programación de actividades realízase co apoio da Xunta de Galicia e o Concello de Verín.
