Se de algo nos encanta presumir en Verín é de Entroido, aínda que sempre presumimos tamén de comercio e de moitas cousas máis que nos encantan da nosa vila. No comercio local tamén nos implicamos no entroido, conseguímosvos todo tipo de aparellos, telas, complementos, todo o que se come, se viste, se usa, se deseña e se constrúe para facer do noso entroido, o mellor entroido do mundo.
Queremos presumir do noso entroido e queremos presumir do noso comercio, así que… atención!!! que temos un sorteo de 300 euros que se repartirán en 3 pasaportes de compra .
Quen pode participar?
Poden participar as persoas maiores de idade que fagan unha compra nos comercios asociados a AEVER CCU Verín.
Que teño que facer para participar?
Cando vaias ó teu comercio favorito faite unha foto disfrazado/a ou ataviado como máis che guste, nos comercios atoparás perrucas, disfraces… e co cartel «O noso entroido, o noso comercio». Podes facer fotos divertidas, en grupo ou individuais, acompañada/o da persoa do comercio, como queiras! o importante é presumir do noso entroido e do noso comercio.
Envíanos a foto a través do noso instagram ou do noso facebook por mensaxe privada, indicando o teu nome e o teu teléfono.
Podes atoparnos nas redes sociais indicadas como @ccuverin
Ata cando podo mandar fotos?
Ata o día 15 de febreiro (xusto despois do mércores de cinsa)
Cando se poderán ver as fotos que entran no sorteo?
O día 16 de febreiro subiremos todas as fotos que participan no sorteo ás nosas redes sociais.
Cando é o sorteo?
O sorteo realizarémolo entre todas as fotos que publicaremos o día 16 de febreiro pola tarde, publicarémolo nas nosas redes.
Que podo gañar?
Podes gañar un dos 3 pasaportes de compras de 100 € para consumir no comercio local asociado a Aever CCU.
Cantas fotos podo enviar?
Non hai un límite de fotos para participar sempre que sexan en diferentes comercios.
Dende AEVER CCU preferimos non expoñer a menores nas redes, entón se mandas fotos de menores taparémoslle a súa cariña cun emoji, polo que preferentemente envíanos fotos de persoas maiores de idade.
