Xa están de volta os 6000 de Verín, e xa van catro edicións. Recordades como empezou? Corría aquel ano raro 2020 cando decidimos entre todos e todas as comerciantes de Aever que queríamos agradecer a fidelidade da clientela do comercio local de Verín, e puxemos en marcha esta campaña na que xuntamos nada menos que 6000 euros. Aínda hai quen prefire dicir un millón de pesetas, pois xa vamos polo cuarto millón!!!
A mañá do 16 de novembro presentouse a campaña, o presidente de AEVER CCU, Santos Álvarez,o xerente José Ángel Rodicio e Manuel Lorenzo, concelleiro do Concello de Verín, explicaron ante os medios a campaña e deron inicio á mesma, xa que dende o 16 de novembro ata o 27 de decembro os comercios entregarán as papeletas para participar.
Hai algún requisito para participar?
O requisito é mercar nos comercios que participan. Calquera persoa de Verín, ou visitante, pode mercar nos establecementos asociados a Aever que participan na campaña dos 6.000 de Verín.
Quero participar, que teño que facer?
Mercar nun dos 114 comercios asociados que participan na campaña. Cando fagas a túa compra – e dacordo cas condicións de cada establecemento- darémosche unha papeleta para que deixes os teus datos, para participar tes que cubrila e depositala na caixa que atoparás en cada establecemento participante.
Que podo gañar?
1 cheque de 2.000€
1 cheque de 1.000€
2 cheques de 500€
5 cheques de 200€
10 cheques de 100€
Total = os 6.000 de Verín
Cando será o sorteo dos 6.000 de Verín?
O días 28 de decembro pola mañá realizaremos o sorteo ante notario na sede de AEVER.
Como saberei que gañei un cheque dos 6.000 de Verín?
Tal como recollen as bases realizadas ante notario, o día do sorteo o persoal da Asociación de Empresarios de Verín chamará ó teléfono que puxeches nas papeletas para comunicarche o teu premio.
Deberás utilizar os cheques ata o día 5 de xaneiro de 2024 nos establecementos asociados, e para facilitarcho darémosche un pasaporte de compras.
Cando é a campaña dos 6.000 de Verín?
Entre o 16 de novembro e o 27 de decembro de 2023 podes participar mercando no comercio local, e o día 28 farase un sorteo ante notario.
Que establecementos participan?
A nosa asociación é multisectorial, ou o que é o mesmo, temos de todo!
Así que atoparás moitísimos establecementos nos que participar nos 6.000 de Verín, estate atento/a ás redes e ó buzón porque alí atoparás este útil listado de comercios para ter moitas papeletas de gañar un dos cheques dos 6000 de Verín.
A campaña “Os 6000 de Verín” realizase coa cofinanciación da Xunta de Galicia.
Neste documento podes consultar as bases da campaña.
