O domingo día 1 participamos xunto con outras asociacións na Feira Solidaria organizada polo Concello de Verín. Durante todo o día estivemos informando ás persoas que se achegaron ó noso posto sobre as diferentes accións que facemos en colaboración coa Xunta de Galicia para promocionar o comercio local, e repartimos centos de rueiros nos que ademais de información útil sobre a nosa vila, están referenciados todos os comercios asociados.
A data, na que se celebrar os maios tamén coincide co día da nai, que é un momento importante para o comercio xa que son moitos e moitas as verinenses que elixen un agasallo do comercio local para felicitar ás súas nais. Así que levamos con nós as imaxes da campaña do día da nai no comercio local e moitas foron as persoas que aproveitaron para sacar unha foto co corazón que dicía "Quérote mamá".
Quixemos aportar o noso grau de area para as persoas afectadas pola guerra de Ucrania, e os tradicionais inchables que adoitamos poñer nos eventos, desta volta, ademais de diversión levaban un obxectivo moito máis importante: a solidariedade. Recaudamos 250 € en tiquets para os inchables, que demos a un euro presentando un tique de compras no comercio asociado a Aever.
Foi un día intenso, divertido e quedamos cunha sensación moi positiva polo bo acollemento que teñen sempre as nosas actividades entre a veciñanza, e porque sempre hai quen se acerca e sauda dicindo: "Eu merco en Verín"
Todas as nosas actividades realízanse coa financiación da Xunta de Galicia, e a participación na feira solidaria foi en colaboración co Concello de Verín.
