O comercio local é moito máis ca unha rede de establecementos: é identidade, traxectoria e vida nas rúas de Verín. Con esa idea nace a I edición dos Premios ao Comercio de Verín, unha iniciativa de AEVER para recoñecer publicamente o labor, a traxectoria e a innovación das persoas comerciantes da nosa vila, e para poñer en valor o comercio de proximidade como panca de desenvolvemento económico e social.
Nesta primeira edición os premios organízanse en tres grandes bloques:
Traxectoria
Comercio de Toda a Vida
Renovación ou Relevo Xeracional
Dinamización comercial
Compromiso coa Comunidade e Identidade Local
Novo Comercio
Profesionalización comercial
Innovación Comercial de Proximidade
Mellor Comunicación Comercial de Proximidade
As candidaturas pecháronse o 21 de setembro. Agora o xurado traballa nas súas deliberacións, e os nomes das persoas e establecementos premiados desvelaranse durante a gala de entrega.
A Gala
Unha noite para celebrar o mellor do noso comercio.
Data: 2 de outubro de 2026
Hora: 21:00 h
Lugar: Auditorio de Verín
Presenta: Iria Sobrado
Actuación musical: Mr Cool
Entradas: a dispoñibilidade e o acceso ás entradas para o público daranse a coñecer a través das canles oficiais. Aforo limitado.
Organiza AEVER — Asociación de Empresarios/as de Verín, coa cofinanciación da Xunta de Galicia e Comercio Galego, e a colaboración do Concello de Verín, a Deputación de Ourense e o Inorde.
Segue as canles de AEVER para vivir con nós a primeira gran noite do comercio de Verín.
