O comercio local de Verín abriu as súas portas cunha mensaxe positiva.
Todo sae ben cando mercas en Verín. Esta é a mensaxe que dende Aever se da á clientela, é o lema da campaña que será visible nos comercios, na rúa e nas redes sociais.
Aever quixo facer unha homenaxe aos nenos e nenas que durante o confinamento encheron os balcóns de arcos da vella cheos de esperanza, e por iso será o arco da vella a imaxe da campaña de apertura, xunto coa confianza que transmite saber que todos os establecementos teñen sido asesorados e informados sobre as medidas a tomar para garantizar que todo saia ben.
Esta semana ten sido frenética na sede da asociación que foi entregando material de protección a cada establecemento: máscaras, mascarillas, xel hidroalcólico, e un cartel informativo sobre as medidas a tomar para que a comarca siga deixando atrás o coronavirus.
A información de prevención tamén está visible en tres lugares da vila, para concienciar a pequenos e maiores da importancia da hixiene, o distanciamento social, e o uso de elementos de protección.
A percepción dende Aever é que a situación das últimas semanas tense traducido en que moitas persoas comunican aos comerciantes a súa intención de favorecer ao pequeno comercio conscientes de que é un sector clave na nosa comarca, polo que a campaña de sensibilización continuará na liña de facer protagonistas aos clientes e clientas da supervivencia e crecemento do comercio local.
