Como cada ano, o comercio local de Verín a través de Aever CCU Verín participa na dinamización da vila. Este é o cuarto ano da campaña «Os 6000 de Verín» na que os comerciantes sortean 6000 euros repartidos en varios premios entre as persoas que elixen o comercio local para realizar as súas compras.
COMERCIO ABERTO O DOMINGO DE NOITEBOA
Ademais o domingo día 24 de decembro a maioría dos comercios de Verín abrirán a súas portas para facilitar ós seus clientes as compras en días tan sinalados. Para celebralo dende Aever CCU promovemos a animación das rúas con pasarúas por todas as rúas comerciais da vila.
Apalpadores, elfos, música e lambetadas para que os nenos e nenas poidan pasar unha xornada inesquecible con estes personaxes navideños tan entrañables.
GALA MÁXICA DE NADAL AEVER-CCU VERÍN
O mércores 3 de xaneiro, como xa é habitual, ás 17:30 o pavillón dos deportes encherase de maxia e ilusión, ofrecendo un espacio de ocio familiar tradicional nos primeiros días do ano de Verín.
Tres máxicos magos
Maxia, música, xogos, humor e sorpresas da man de tres grandes magos: O Mago Paco, o Mago José rivera e o Mago Deime, que se unen para ofrecer un espectáculo cheo de ledicia e entusiasmo.
Entradas gratuitas mercando no comercio local.
Para acceder á gala será preciso contar cunha entrada que se pode conseguir nos establecementos asociados a AEVER CCU Verín.
Estas actividades son cofinanciadas pola Xunta de Galicia.
