CCU AEVER Verín organiza, en colaboración co Concello de Verín, a Xunta de Galicia e a Deputación Provincial de Ourense, o Campamento Urbano de Verín 2016.
Un ano máis, este conxunto de actividades irá enfocada a nenos de 6 anos en diante. A finalidade desta iniciativa é dinamizar o mercado verinense e, ao mesmo tempo, axudar a que os clientes dos establecementos adscritos a CCU AEVER Verín poidan facer as súas compras mentres os seus fillos se divirten no campamento.
O campamento urbano, que ten un custo de 30 €, terá un sistema de tíckets desconto para adquirir a entrada ás actividades. Cada vez que un cliente compra nalgún dos establecementos asociados a AEVER conseguirá tíckets desconto (Cada tícket ten un valor de 3 €) segundo o valor da súa compra. Os tickets deberán trocarse durante os días 18 e 19 de agosto na oficina de AEVER, de 10:00 a 13:00 horas, ata finalizar existencias.
Esta iniciativa constará das seguintes actividades:
- Martes 23 (Praza do Concello): ás 10:00 horas realizarase a recepción e o reparto de grupos. Instalarase un circuíto de karts inchable, una táboa de surf mecánica, realizaranse tatuaxes e haberá cabinas inchables.
- Mércores 24 (Praza da Mercé): os/as rapaces gozarán dunha busca do tesouro , realizarase unha gymcana fotográfica e haberá una divertida festa da escuma con inchables de auga.
- Xoves 25 (Praza Maior): instalarase unha ludoteca xigante con inchables, un touro mecánico, una carpa interactiva virtual e un taller de golf.
As persoas interesadas en inscribirse deberán facelo na oficina de AEVER (Pedro González Prada, 5), ate o día 21 de agosto, de 10:00 a 13:00 horas.
