Dende CCU AEVER Verín colaboramos co Concello de Verín e a Deputación provincial de Ourense, a través do programa Ocio Xuvenil 2016, na organización do primeiro concurso fotográfico xuvenil #estouenVerín, a través da rede social Instagram do @ConcellodeVerín, destinado á mocidade da comarca con idades comprendidas entre os 18 e os 30 anos.
Haberá dous premios, ambos a cargo de CCU AEVER Verín, dous cheques-regalo de 70€ e 30€ para gastar nos establecementos asociados.
Bases de concurso
O obxecto do presente documento é establecer as normas que rexerán o devandito concurso que se desenvolverá dentro das actividades programadas para a mocidade no verán 2016:
- As fotografías deberán ser realizadas na modalidade de autorretratos en grupo ou individuais.
- Para participar no concurso, será obrigatorio enviar unha fotografía e unha frase ou lema relacionado con Verín (lugares emblemáticos, festexos e comercio local), durante as datas do concurso. De maneira excepcional, tamén poderán enviarse fotografías da Batucada 2016.
- O Concello de Verín resérvase o dereito de non publicar aquelas fotografías e/ou frases ou lemas que non cumpran coa temática do concurso.
- Poderán participar todas aquelas persoas con idades comprendidas entre 18 e 30 anos, empadroadas ou non no concello de Verín cun máximo de 3 fotografías por participante.
- A persoa autora farase responsable da autorización legal en caso de que aparezan menores de idade na fotografía.
- As persoas autoras serán as únicas responsables dos seus traballos e das reclamacións que existiran.
- As persoas interesadas en participar neste concurso deberán subir a Instagram súas fotografías dende o 3 de agosto ata o 3 de setembro de 2016 (ambos inclusive) utilizando a etiqueta @concellodeverin e o hashtag #estouenverin (máis información na Casa da Xuventude 988414776).
- Quen participe no concurso cede os dereitos de imaxe das fotografías ao Concello de Verín. A participación neste concurso supón a total aceptación das presentes bases e do fallo do xurado.
- A valoración ou xuízo final do concurso constará dun 40% da aceptación nas redes sociais e un 60% polo xurado que estará composto por representantes do mundo da fotografía, do comercio de Verín e do concello.
- O veredicto do xurado farase público o día 15 de setembro no Concello de Verín e nas redes sociais, sendo inapelable e reservándose o dereito de declarar desertos os premios.
- Valorarase a creatividade e orixinalidade 20 puntos, a calidade 20 puntos, o reflexo do carácter da vila 30 puntos (total 70 puntos). No caso de que se dese un posible empate, a persoa representante do Concello terá un voto de calidade.
- Establécense os seguintes premios cortesía de AEVER:
- Primeiro premio: cheque-regalo por valor de 70€ para gastar nos establecementos adheridos a AEVER.
- Segundo premio: cheque-regalo por valor de 30€ para gastar nos establecementos adheridos a AEVER.
O non previsto nas presentes bases acordarase polo xurado do presente concurso.
